منتدى عصابات الانمي

مرحبا بكم في منتدى عصابات الانمي
 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 <<...يا دنيااا علميتنا الحـــــب...>>

اذهب الى الأسفل 
كاتب الموضوعرسالة
مـــ الاحزان ـــالك
عضو فعال
عضو فعال
avatar

عدد الرسائل : 22
تاريخ التسجيل : 21/04/2008

مُساهمةموضوع: <<...يا دنيااا علميتنا الحـــــب...>>   الإثنين أبريل 21, 2008 2:21 pm

الجزء الأول
اول يوم دراسة ... ثالث ثانوي الكل كاره عمره ... كانوا البنات جالسين برا المدرسة يستنون سياراتهم .. راحت لميس ما بقى الا ريما وشوق وسلمى صديقة رهف ورهف .. فجأة جت سيارة سلمى
سلمى: يلا بنات هاذي سيارتي جات يلا باي ..
الكل:بااي ..
رهف بصوت عالي: يااا دباا لا تنسين تدقين علي اليوم !
سلمى: اوكي اوكي ....
والكل كان يسولف ما عدا رهف اللي كانت تفكر في عبدالعزيز أخو ريم و ريما و سرحاانة ومرة تعباانة تبي تنام .. تفكر مين راح يجي اليوم ياخذهم وتدعي ربها انه عبدالعزيز هو اللي يجي ياخذهم مع السواق((خلونا نتكلم عن رهف شوي .. رهف بنت نعووومة لدرجة مو طبيعية لكنها فلة ووناسة .. خبلة و تضحك شعرها قصير لين كتفها لونة أحمر غامق كانه بني ... جسمها حلو و عيونها مايلة للخضار بيضا و بنوتة مرة)) فجأة جت سيارة كامري فيها ولدين .. وبصراحة مو مرة حلوين . .شافوا البنات وقربوا السيارة منهم و نزلوا الدريشة..
الولد يكلم البنات: مين تبي كتكات؟؟؟
البنات:............
الولد رمى الكتكات : اللي ماسكة الجاكيت الاحمر تاخذه (يقصد رهف) .. و مشوا ... ورا السيارة الكامري كانت سيارة فيصل اخو شوق (خلنا نتكلم شوي عن فيصل ثالث ثانوي .. فيصل وسيم لابعد درجة جسمه رياضي و كله يسوي شعره سبايكي توأم شوق مررة غالية عليه بس يحبون يتهاوشون يموت بريما بنت عمه بس يسوي نفسه ما يحبها او بالاحرى ما يطيقها لانه ما يبي يبين لاحد انه يحبها وهو مقنع نفسه انها ما تحبه ..عيووونه خيااال نظرة منه تخلي الحجر يذوب) قرب السيارة من البنات .. ريما على طول قالت : بناااات زين شكلي؟!
البنات: أي زين ...
يوم شافت شوق فيصل طالعت ريما من طرف عينها:عشان كذا تسألين!!
جلسوا البنات يضحكون عليها وريما بقلبها ((ياربي حركاتي فاضحتني بس لاا تلوموني احبهـ))
ريم:يااا شوق تروحين وتخليناا واقفين؟؟!
شوق:طيب وش اسوي؟؟ اجيب جوال فيصل تكلمون ها يا ريما تبين؟؟
ريما وهي مستحية: لا شكرا ما ابي ..
ريم وهي معصبة:اجل بننلطع هنا؟!! اقول شوق جيبي الجوال وما عليك منها انا بدق ..!
راحت شوق عند فيصل... فيصل كان يفكر بريما ومتنح...
شوي الا يسمع صوت شوق تصارخ: فييييصل!!
فيصل:هاااه وش تقولين ..؟؟
شوق: اقوول لا ولا شي بس مين سعيدة الحظ اللي سرحان فيها؟
فيصل: يا شييين اللقافة ..!
شوق وهي تبي تحرج ريما: طيب عطيني جوالك ريما تبي تكلم و هي تناظر ريما وتبتسم ...
فيصل((الجوال وصاحبه فداهاا)):ومين بتكلم انشالله ؟؟؟؟
شوق: السواق عشان اذا بيطولون حنا بنوصلهم ...
فيصل بقلبه((ياليته يطووول))
شوق: ها تبي تعطيني الجوال ولا لآ؟؟
فيصل: انا مو فاضي اوصل خلق الله ..
شوق:حرام عليك يعني نخليهم هنا لحالهم ؟؟؟
فيصل وهو يعطيها الجوال:هاه خذي غثيتيني ..!
شوق وهي تضحك:مشكوور ما قصرت ..
راحت شوق عند ريما:ها ريما خذي دقي على عزوز
(رهف طيرت عيونها اول ما سمعت اسم عزوز حبيب القلب)
ريما مرة استحت: انا ما كنت ابيه اعطيه ريم ..
ريم:هاتي هاتي انا بكلم ...
دقت ريم ورد عبدالعزيز على طول
ريم:الوووووو
عبدالعزيز:هلا فيصل ..
ريم:انااا ريم مو فيصل
عبدالعزيز:هلا وش تبين ؟؟
ريم:اقووووول وين السواق ..؟
عبدالعزيز:مدري شكله بيطول .. اقول اقول شجيب جوال فيصل عندك وانتي وينك؟؟؟؟
ريم: انا بالمدرسة ويني يعني ؟؟ بس الحين حنا بنرووح مع مين؟؟؟
عبدالعزيز:روحوا مع فيصل وشوق الله لا يهينهم ...
ريم:طيب يلا باااي ..
عبدالعزيز:باااي ...
سكرت ريم الجوال
شوق: هاه وينه ؟؟؟
ريم: يقوول عزوز انه بيطول ...
شوق: خلاص اجل تعالوا معانا ...
ريم: طيب يلا ريما ورهف ...
رهف اللي ما كانت معاهم:ليش ليش وش قااال عزوز؟؟
ريم:يقول بيطول و ما راح ننتظر الين ما يجي ...وانا ما عندي استعداد انتظر ..
شوق:يلا طيب فيصل بيعصب ..
ريما: اوكي يلا ...
ركبوا كلهم وركبت شوق قدام جنب فيصل ووراها ريما وجنب ريما رهف وورا فيصل ريم ...والكل كان يسولف الا ريما اللي كانت ذايبة((مستحية))
شوق:اقووول ريوووم ليه ما تتكلمين؟؟
فيصل داخل عرض: من جد مالها حس!
ريما وهي مستحية: لا بس تعبانة شوي ..
فيصل((ليته فيني ولا فيك))
شوق وهي خايفة:وش فيك ريما في شي يعورك؟؟؟تبين نمر على الصيدليه تبين شي؟؟؟؟؟
فيصل بمزح:انا ما عندي شغلة الا انتي وريما ؟!..
استغربت ريما اول مرة يصير لها هالموقف ..
ردت وهي معصبة: لا شكرا مابي شي لا ياكلني اخوووك ..
وبعد هالموقف محد تكلم .. ووصلوا ريم وريما البيت ... وشوق وفيصل وصلوا رهف وراحوا بيتهم ....
أول ما وصلت شوق كان فهد (اخو شوق الكبير رابع جامعة انسان جدي ومنظم حلو كلهم ينادونه الاماراتي لانه يشبه للامراتيين حتى ستايله و احيانا كلامه بس قلبه مرة طيب ويحب اخته شوق مرررة)
شوق وهي مستعجلة:سلااام ..
فهد وهو مستغرب:وعليكم السلام ...
وعلى طول راحت شوق غرفتها ودخل بعدها فيصل ..
فيصل:سلاام ...
فهد:وعليكم السلاام ....
فهد وهو يكلم فيصل:شفيها هذي المرجوجة؟؟
فيصل وهو يفكر بعصبية ريما:ماادري اسألها هي...
...............
ريما كانت جالسة بالصاالة وبالها بعيييد عبدالعزيز اخوها كان جالس معها (خل نتكلم عن عبدالعزيز .. مرررة حلووو .. و يموووت بالتراب اللي تمشي عليه رهف. شخصية مرحة مرة و خفيف دم واذا غنى الكل يسكت صوووته يذووب .. حلم حياته ان رهف تحبه)
فجأة رن التلفون
ترررررررررن
ترررررررررررررررن
تررررررررررررررررررررن
نقز عبدالعزيز ع التلفون:الوووووو
.............:الوووو ..
عبدالعزيز((اخ اخ اعرف هالصوت)):هلا والله مين؟؟
........: انا رهف ممكن اكلم ريما؟
عبدالعزيز(آآه مشتاق لها مووت):هلا والله برهف شخبااارك ما عرفتيني؟
رهف وهي مستحية ومرتبكة:تمااام الا عرفتك وشخبارك انت؟؟
عبدالعزيز:تمام تبين ريم ولا ريما؟؟؟؟
رهف:لا ابي ريما ...
عبدالعزيز وهو وده يقول(من عيوووني الثنتين): انشالله لحظة شوي ...
عبدالعزيز:شوق رهف تبيك على التلفون
شوق كانت تركب الدرج: حوله على غرفتي
حول عبدالعزيز الخط على غرفة شوق
شوق:هلا هلا
رهف:اهليييين شخباارك؟؟
شوق:تمام انتي كيفك؟
رهف:تمام اقوووول
شوق:هلا
رهف:كيف كان اول يوم
شوق:يااااا ربي ام الطففش
رهف: ههههه تصدقين اولى ثانوي مواده كثيرر
شوق:ايه بس تراه يبي له تركيز
رهف: اجل شكلي برسب انا سرحانة طول الوقت
شوق:ايييه اللي ماخذ عقلك يتهنى به
رهف:ههههههههههه أي عقل أي خرابيط
شوق:هههههههه ليه ما عندك عقل انتي
رهف ما استوعبت: شلون ما عندي عقل؟
شوق و هي ميتة ضحك على غباء بنت خالتها:هههههههه والله انك خبلة
رهف:أي ادري من زمان
شوق: هههههههههه اقوول انا بذاكر بس ترا اليوم العزيمة ببيتنا وبنعزم البنات ...
رهف:أي صح ام الفلة خلاص استنينا اليوم ..
شوق:طيب ابي اقضي المذاكرة و اكلمك
رهف: لا ما يحتاج حتى انا بذاكر وبجيك على طول
شوق:خلاص استناك بااي
رهف:بااي
....................
اجتمعت العوايل ببيت ابو فهد
العيال والبنات كانوا قاعدين مع بعض يلعبون لعبة ((الجرأة أو الحقيقة)) للي ما يعرف اللعبة هذي ياخذون قارورة او أي شي يدور والشخص يسأل الانسان الثااني ...أو يطلب منه طلب ....
جا الدور على مهند ولد خال ريما وريم يسأل فيصل
مهند: فيصل مين تبي تتزوج لما تكبر من العيلة؟؟؟
فيصل بكل فخر: مين قال اني بتزوج من العيلة ..؟
صرخت هنادي بنت خالهم: يعني ما بتتزوجون انت و ريما
ريما انحرجت حدهاا اما هو قال: هه من زينها لو بتزوج لي وحدة بتزوج وحدة من برا امريكية و حلوة مو انتوا .. و كش عليهم ..
ريما عصبت حدها((تفشلني يا فيصل هااه تشووف سخيف وربي))
قامت ريما من اللعبة معصبة ((خلنا نتكلم عن ريما ((ريما ثالث ثانوي عليها جمااال بنووتي وانووووثة مو طبيعية وسمارها يهبل هذا غير الدلع اللي محليها عيونها بنية و شعرها بني كيرلي يوصل لين كتفها جسمها حلووو. ثقتها بنفسها عااالية مرة واحيانا تمصخها خخخخ لكن روحها مرحة و تحب الوناسة وطيبة لابعد درجة زي شوق ودايم يسوون مقالب في اهلهم لدرجة اذا مر يوم بدون مقالب يعرفون ان ريما وشوق متزاعلين لوول )) كل ما سألوها شفيها قالت تعبانة او مصدعة .. الكل رحل بيته و دقت رهف على ريما ..
ريما: الو ...
رهف: هلا هلا ريما ..
ريما: أي هلا ....
رهف: ريووم اليوم الموقف مرة يفشل
ريما بلعت ريقها وتنهدت: لا ما يفشل اقول رهف انا تعبانة اكلمك بعدين اوكي
رهف:لاااا يكون زعلتي
ريما: لالا اكلمك بعدين مصدعة يلا باي
رهف وهي مو مصدقة:اوكي باي
وش تتوقعون بيصير بين فيصل وريما؟؟
ورهف بتدري عبدالعزيز يحبها ولا لا؟؟
مين الشخصيات الجديدة اللي بتطلع بالقصة و تغير كل شي؟؟؟؟
ابي توقعااااتكم واذا عجبتكم القصة قولوا لي عشان انزل الجزء الثاااني .. انتظر ردودكم!!!!

................................
حقوق النشرر محفوووظة و اللي يبي ينقلها لاي منتدى يرسل لي ع الخااص اول
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عازف نغم
المدير العام
المدير العام
avatar

ذكر عدد الرسائل : 36
تاريخ التسجيل : 18/04/2008

مدير
مدير عام:
مدير عام: مدير عام

مُساهمةموضوع: رد: <<...يا دنيااا علميتنا الحـــــب...>>   الإثنين أبريل 21, 2008 2:24 pm

قصه رائعه وشيقه للغايه

يعطيك العافيه انست وشرفت اخوي ملك الأحزان

سلمت يمناك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاشق الذكريات
اداره المـنتدى
اداره المـنتدى
avatar

ذكر عدد الرسائل : 96
الموقع : زهران
العمل/الترفيه : طالب
المزاج : رهيب
تاريخ التسجيل : 09/04/2008

مدير
مدير عام:
مدير عام: مدير عام

مُساهمةموضوع: رد: <<...يا دنيااا علميتنا الحـــــب...>>   الثلاثاء أبريل 22, 2008 3:25 am


قصه رائعه


و مميز


يعطيك العافيه اخووووي مالك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://asdf.ahlamuntada.net
زائر
زائر



مُساهمةموضوع: مشكوووووووووووووووووووووووووور   الأربعاء أبريل 23, 2008 12:11 pm

اسلام رسله

بسرحه قصه ريعه :فراشه جميله:


والله يعطيك العافيه رقم واحد

ونا اشكرررررك ورده جميله


علي هذا الموضوع cheers cheers


تحيتي غرام اليل*****
الرجوع الى أعلى الصفحة اذهب الى الأسفل
 
<<...يا دنيااا علميتنا الحـــــب...>>
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى عصابات الانمي :: ~*§¦§ المنتديات الأدبــيــة §¦§*~°¨¨ :: منتدى القصص والروايا-
انتقل الى: